అమ్మాయిల పెళ్లి వయసుపై కేంద్రం మరోసారి ఆలోచన?

మహిళల చట్టబద్ధమైన వివాహ వయసును 18 నుంచి 21 ఏళ్లకు పెంచే ప్రతిపాదనపై కేంద్ర ప్రభుత్వం మరోసారి కసరత్తు చేస్తున్నట్లు సమాచారం. గత లోక్‌సభ రద్దుతో పెండింగ్‌లో పడిన ఈ బిల్లును 2027 జనగణన నివేదికల ఆధారంగా మళ్లీ పార్లమెంట్‌లో ప్రవేశపెట్టే అవకాశాలు ఉన్నాయని తెలుస్తోంది.

తాజా సర్వేల ప్రకారం దేశంలో మహిళల సగటు వివాహ వయసు 19.3 ఏళ్ల నుంచి 23.1 ఏళ్లకు పెరిగింది. ఈ మార్పులు కొత్త చట్టానికి అనుకూలంగా ఉండవచ్చని భావిస్తున్నారు. అయితే బిల్లును తిరిగి ప్రవేశపెట్టే అంశంపై కేంద్ర ప్రభుత్వం నుంచి ఇప్పటివరకు అధికారిక ప్రకటన వెలువడలేదు.