ఫోన్ ట్యాపింగ్ కేసులో సిట్ ఎదుట చికోటి ప్రవీణ్ విచారణ..

ఫోన్ ట్యాపింగ్ కేసులో వ్యాపారవేత్త చికోటి ప్రవీణ్‌ను ప్రత్యేక దర్యాప్తు బృందం (సిట్) విచారించింది. ఈ సందర్భంగా ఆయన సిట్‌కు కీలక స్టేట్‌మెంట్ ఇచ్చారు. ఫోన్ ట్యాపింగ్ అంశంపై తాను గతంలోనే డీజీపీకి ఫిర్యాదు చేసినట్లు తెలిపారు.

విచారణలో రాధాకిషన్‌రావుపై చికోటి తీవ్ర ఆరోపణలు చేశారు. 2 వేలకుపైగా ఫోన్లు ట్యాప్ చేసినట్లు ఆరోపిస్తూ, ఈ కేసులో నిందితులకు నార్కో అనాలసిస్ పరీక్షలు నిర్వహిస్తే వాస్తవాలు బయటపడతాయని అన్నారు. అలాగే రాధాకిషన్‌రావు ఆస్తులపై సమగ్ర విచారణ జరపాలని డిమాండ్ చేశారు. లేకపోతే కేంద్ర దర్యాప్తు సంస్థలకు లేఖ రాస్తామని హెచ్చరించారు.