అరెస్ట్ సమయంలో అనుచిత ప్రవర్తన ఆరోపణలు: సీఐ బదిలీ

విజయనగరం జిల్లాలో బొబ్బిలి రూరల్ సీఐగా పనిచేస్తున్న శ్రీనివాస్‌పై అరెస్ట్ సమయంలో అనుచిత ప్రవర్తన ఆరోపణలు రావడంతో అతన్ని బదిలీ చేశారు. అధికారుల ఉత్తర్వుల మేరకు అతన్ని విశాఖపట్నంలోని ఆరిలోవ పోలీస్ స్టేషన్‌కు మార్చారు. జర్నలిస్టు కేసు నిర్వహణలో ఆయన ప్రవర్తనపై వచ్చిన ఫిర్యాదుల నేపథ్యంలో ఈ చర్యలు తీసుకున్నారు.

నాలుగు రోజుల క్రితం తెలంగాణ జర్నలిస్టు కేవీఆర్‌ను హైదరాబాద్‌లో అరెస్ట్ చేసి బొబ్బిలికి తీసుకొచ్చిన సీఐ శ్రీనివాస్‌పై, కేవీఆర్ భార్య సరూర్‌నగర్ పోలీస్ స్టేషన్‌లో ఫిర్యాదు చేయడంతో కేసు నమోదు అయింది. ఇదే కేసులో ముందుగా కేవీఆర్‌ను అరెస్ట్ చేయడంలో విఫలమైన బాడంగి ఎస్ఐపై కూడా చర్యలు తీసుకుని వీఆర్‌కు పంపారు.