జైపూర్ నిరసనలో కాక్రోచ్ జనతా పార్టీ వ్యవస్థాపకుడిపై దాడి...

కాక్రోచ్ జనతా పార్టీ (సీజేపీ) వ్యవస్థాపకుడు అభిజిత్ దీప్కేపై రాజస్థాన్ రాష్ట్రంలోని జైపూర్‌లో జరిగిన ప్రభుత్వ వ్యతిరేక నిరసన కార్యక్రమంలో కొందరు దుండగులు దాడి చేసినట్లు సమాచారం. నిరసనలో పాల్గొన్న అభిమానులు ఆయనను భుజాలపై మోస్తూ తీసుకెళ్తున్న సమయంలో ఈ ఘటన చోటుచేసుకుంది.

జనం మధ్య నుంచి వచ్చిన కొందరు వ్యక్తులు అభిజిత్ దీప్కేకు చెంపదెబ్బలు కొట్టినట్లు తెలుస్తోంది. దీంతో అక్కడ కొద్దిసేపు ఉద్రిక్త పరిస్థితులు నెలకొన్నాయి. అనంతరం పరిస్థితి అదుపులోకి వచ్చినట్లు సమాచారం. ఈ ఘటనకు సంబంధించిన వీడియోలు ప్రస్తుతం సోషల్ మీడియాలో వైరల్‌గా మారి చర్చనీయాంశంగా నిలిచాయి.