అమెరికాలో గుండెపోటుతో కర్నూలు మాజీ ఎమ్మెల్యే కుమారుడి మృతి

కర్నూలు మాజీ ఎమ్మెల్యే ఎం.ఎ. గఫూర్ పెద్ద కుమారుడు కిరణ్ వెంకట పల్ల అమెరికాలోని శాన్ హోసేలో గుండెపోటుతో అకస్మాత్తుగా కన్నుమూశారు. ఆయన అకాల మరణవార్త కర్నూలు ప్రజలను, ఎన్నారై వర్గాలను తీవ్ర దిగ్భ్రాంతికి, విషాదానికి గురిచేసింది.

ఈ క్లిష్ట సమయంలో గ్లోబల్ ఎన్ఆర్ఐ టీడీపీ అధ్యక్షుడు డాక్టర్ గురురాజా నాయకత్వంలోని బృందం సహాయక చర్యలు చేపట్టింది. భక్త భల్ల, ఫహద్ సయ్యద్, అబ్దుల్ ఖుద్దూస్, సాయి బొల్లినేనిలతో కూడిన ఈ బృందం స్థానికంగా అవసరమైన అధికారిక అనుమతులు, ఇతర ప్రక్రియలను త్వరగా పూర్తి చేసేందుకు సమన్వయం చేస్తోంది. కిరణ్ భౌతికకాయాన్ని వీలైనంత త్వరగా కర్నూలుకు తరలించేందుకు అవసరమైన సహాయాన్ని అందిస్తోంది.