

తిరుమల తిరుపతి దేవస్థానం (టీటీడీ) పరిధిలోని పలు కీలక విభాగాలు, సేవల్లో సమ్మెలను నిషేధిస్తూ ఆంధ్రప్రదేశ్ ప్రభుత్వం నిర్ణయం తీసుకుంది. భక్తులు, ప్రజల ప్రయోజనాలను దృష్టిలో ఉంచుకుని 1971 నాటి ఆంధ్రప్రదేశ్ అత్యవసర సేవల నిర్వహణ చట్టం (ఎస్మా) నిబంధనల ప్రకారం ఈ నిర్ణయం తీసుకుంది. సమ్మె నిషేధాన్ని మరో ఆరు నెలల పాటు పొడిగిస్తూ ప్రభుత్వం జి.ఓ.ఆర్.టి. నంబర్ 2016 ద్వారా గెజిట్ నోటిఫికేషన్ జారీ చేసింది.
తాజా ఉత్తర్వుల ప్రకారం 2026 నవంబర్ 24 నుంచి 2027 మే 23 వరకు ఈ నిషేధం అమలులో ఉండనుంది. గతంలో ఏప్రిల్ 13న జారీ చేసిన జి.ఓ. నంబర్ 540 ద్వారా ఆరు నెలల పాటు సమ్మె నిషేధం విధించారు. టీటీడీ పరిధిలోని అత్యవసర సేవలకు ఎలాంటి అంతరాయం కలగకుండా, భక్తులకు అసౌకర్యం తలెత్తకుండా చూడటమే తాజా నిర్ణయం ఉద్దేశమని ప్రభుత్వం పేర్కొంది. నోటిఫికేషన్లో పేర్కొన్న విభాగాల్లో పొడిగించిన గడువు వరకు సమ్మెలు నిషేధంలో ఉంటాయి.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!