మహేష్ కుమార్ గౌడ్‌కు హరీశ్ రావు లీగల్ నోటీసులు

మాజీ మంత్రి, బీఆర్ఎస్ డిప్యూటీ ఫ్లోర్ లీడర్ హరీశ్ రావు క్షుద్ర పూజలు చేశారంటూ టీపీసీసీ అధ్యక్షుడు మహేష్ కుమార్ గౌడ్ చేసిన ఆరోపణలపై తన న్యాయవాది ద్వారా లీగల్ నోటీసులు జారీ చేశారు. ఈ వ్యాఖ్యలు పూర్తిగా అసత్యమని, తన పరువుకు భంగం కలిగించేలా ఉన్నాయని పేర్కొంటూ వాటిని వెంటనే ఉపసంహరించుకోవాలని డిమాండ్ చేశారు.

మీడియా, సోషల్ మీడియా వేదికగా చేసిన ఈ వ్యాఖ్యలకు బేషరతుగా బహిరంగ క్షమాపణ చెప్పాలని నోటీసులో కోరారు. వెంటనే తప్పుడు ఆరోపణలను వెనక్కి తీసుకోకపోతే సివిల్, క్రిమినల్ పరువు నష్టం దావాలు దాఖలు చేస్తామని న్యాయవాది స్పష్టం చేశారు.