నాగబాబు గారికి హృదయపూర్వక జన్మదిన శుభాకాంక్షలు

జనసేన పార్టీ నేత, తన సోదరుడు నాగబాబుకు పవన్ కల్యాణ్ హృదయపూర్వక జన్మదిన శుభాకాంక్షలు తెలిపారు. శాసన మండలి సభ్యుడిగా, ఏపీ గ్రీన్ ఛైర్మన్‌గా నాగబాబు మరింతగా ప్రజలకు సేవలు అందించాలని ఆకాంక్షించారు. ఈ మేరకు ఆయన తన సందేశంలో నాగబాబుకు పుట్టినరోజు శుభాకాంక్షలు తెలియజేస్తూ, ఆయన భవిష్యత్తులో మరిన్ని బాధ్యతలను సమర్థంగా నిర్వహించాలని పేర్కొన్నారు.

నాగబాబుకు పర్యావరణ పరిరక్షణపై సహజంగానే ఆసక్తి ఉందని పవన్ కల్యాణ్ తెలిపారు. ఆ అభిరుచి ఏపీ గ్రీన్ ఛైర్మన్‌గా ఆయన నిర్వహించే బాధ్యతలకు మరింత గుర్తింపు తీసుకొస్తుందనే విశ్వాసాన్ని వ్యక్తం చేశారు. నాగబాబుకు సంపూర్ణ ఆయురారోగ్యాలు, సుఖసంతోషాలు కలగాలని భగవంతుణ్ణి ప్రార్థిస్తున్నట్లు పవన్ కల్యాణ్ తన సందేశంలో పేర్కొన్నారు.