ట్రాఫిక్ డైవర్షన్స్‌తో బస్సులు బంద్.. హైదరాబాద్ మెట్రోకు పెరిగిన రద్దీ

హైదరాబాద్‌లో ట్రాఫిక్ డైవర్షన్స్ కారణంగా సాధారణ ప్రజా రవాణా సేవలకు అంతరాయం ఏర్పడుతోంది. పలు ప్రాంతాల్లో సిటీ బస్సులు తమ సాధారణ మార్గాల్లో నడవకపోవడంతో రోజువారీ ప్రయాణికులు ఇబ్బందులు ఎదుర్కొంటున్నారు. రోడ్లపై ట్రాఫిక్ నియంత్రణ చర్యలతో ప్రజలు ప్రత్యామ్నాయ రవాణా మార్గాలను ఆశ్రయిస్తున్నారు.

మరోవైపు విజయవాడ నుంచి హైదరాబాద్‌కు వచ్చే ప్రైవేట్ బస్సులను పోలీసులు ఎల్బీనగర్‌లోనే నిలిపివేస్తున్నారు. దీంతో రోడ్డు మార్గంలో ప్రయాణానికి ఇబ్బందులు ఎదురవుతుండటంతో పలువురు ప్రయాణికులు మెట్రో రైల్ వైపు మళ్లుతున్నారు. ఫలితంగా హైదరాబాద్‌లోని పలు మెట్రో స్టేషన్లలో రద్దీ పెరిగింది. తమ గమ్యస్థానాలకు చేరుకునేందుకు ప్రయాణికులు మెట్రోను ప్రత్యామ్నాయ రవాణా మార్గంగా వినియోగిస్తున్నారు.