ఐఫోన్ డ్యూయో ధరపై వైరల్ మీమ్స్

యాపిల్ కొత్త సీఈఓపై వార్తలు వస్తున్న వేళ ఐఫోన్ డ్యూయో కూడా సోషల్ మీడియాలో హాట్ టాపిక్‌గా మారింది. భారత్‌లో ఈ ఫోన్ ప్రారంభ ధర రూ.2.9 లక్షలుగా ఉండటంపై మీమ్ క్రియేటర్లు సరదా పోస్టులతో స్పందిస్తున్నారు. ఫోన్ ధరను ఏడాది సీటీసీతో పోలుస్తూ జీతాల లెక్కలు వేస్తున్న మీమ్స్ నెటిజన్లను ఆకట్టుకుంటున్నాయి. ఖరీదైన ఫోన్ కొనుగోలు చేయడం సాధారణ అప్‌గ్రేడ్ కాదని, అది ఆర్థిక నిర్ణయంగా మారిందంటూ మీమ్స్‌లో సరదాగా వ్యాఖ్యానిస్తున్నారు.

యాపిల్ అభిమానులతో పాటు టెక్నాలజీపై ఆసక్తి ఉన్న నెటిజన్లు కూడా ఈ మీమ్స్‌పై స్పందిస్తున్నారు. ప్రీమియం స్మార్ట్‌ఫోన్ల ధరలు ఎంత ఎక్కువగా ఉన్నాయో హాస్యభరితంగా చూపించే ఈ పోస్టులు సోషల్ మీడియాలో చర్చకు దారితీస్తున్నాయి. రూ.2.9 లక్షలు ఖర్చు చేసి స్మార్ట్‌ఫోన్ కొనుగోలు చేయడం నిజంగా విలువైనదేనా అంటూ కొందరు ప్రశ్నిస్తున్నారు.