హైదరాబాద్‌ సిటీ పోలీస్‌ పరిధిలో భారీ పునర్వ్యవస్థీకరణ.

హైదరాబాద్‌ సిటీ పోలీస్‌ పరిధిలో ప్రభుత్వం భారీ పునర్వ్యవస్థీకరణ చేపట్టింది. జోన్లు, డివిజన్లు, పోలీస్‌స్టేషన్ల పరిధులను సవరించడంతో మొత్తం 76 ప్రాంతాల్లో మార్పులు చోటుచేసుకున్నాయి. కొన్ని పోలీస్‌స్టేషన్ల పరిధులను ఇతర జోన్లు, డివిజన్లకు బదిలీ చేశారు. మార్కెట్‌ పోలీస్‌స్టేషన్‌ పరిధిలోని పలు ప్రాంతాలను మల్కాజిగిరి కమిషనరేట్‌కు బదిలీ చేయగా, మహేశ్వరం, శంషాబాద్‌, సైబరాబాద్‌ పరిధుల్లోనూ మార్పులు చేశారు. ఆర్‌జీఐఏ పోలీస్‌స్టేషన్‌ పేరును శంషాబాద్‌ పోలీస్‌స్టేషన్‌గా మార్చారు.

రాజేంద్రనగర్‌, అబ్దుల్లాపూర్‌మెట్‌, మీర్‌పేట్‌ పోలీస్‌స్టేషన్ల పరిధుల్లోనూ మార్పులు చోటుచేసుకున్నాయి. జూబ్లీహిల్స్‌, బంజారాహిల్స్‌, సనత్‌నగర్‌ ప్రాంతాల్లో పోలీసు పరిధులను పునర్విభజించారు. ట్రాఫిక్‌ పోలీస్‌ జోన్లు, డివిజన్లతో పాటు ఉమెన్‌ సేఫ్టీ వింగ్‌, జోనల్‌ సైబర్‌ సెల్‌ పరిధులను కూడా పునర్వ్యవస్థీకరించారు. ఈ మార్పులకు ప్రభుత్వం జి.ఓ.ఎం.ఎస్. నెం.84 ద్వారా ఆమోదం తెలిపింది.