కర్నూలు ప్రమాదంపై ఎన్‌హెచ్‌ఆర్‌సీ నోటీసులు

కర్నూలు జిల్లాలో గత ఏడాది జరిగిన ఘోర బస్సు ప్రమాదంపై జాతీయ మానవ హక్కుల కమిషన్ (ఎన్‌హెచ్‌ఆర్‌సీ) కీలకంగా స్పందించింది. ఈ ఘటనకు సంబంధించి కర్నూలు జిల్లా ఎస్పీకి నోటీసులు జారీ చేస్తూ, సమగ్ర దర్యాప్తు నిర్వహించి నాలుగు వారాల్లో పూర్తి నివేదిక సమర్పించాలని ఆదేశించింది. 2025 అక్టోబర్ 24న జరిగిన ఈ ప్రమాదంలో 24 మందికిపైగా సజీవదహనం కావడం దేశవ్యాప్తంగా తీవ్ర విషాదాన్ని కలిగించింది.

ఈ ఘటనపై తమిళనాడు యువశక్తి అధ్యక్షుడు కేతిరెడ్డి జగదీశ్వర్‌రెడ్డి ఎన్‌హెచ్‌ఆర్‌సీకి ఫిర్యాదు చేశారు. ఫిర్యాదును పరిశీలించిన కమిషన్, ఘటనకు దారితీసిన పరిస్థితులు, బాధ్యతలు, భద్రతా లోపాలు తదితర అంశాలపై సమగ్ర విచారణ చేపట్టి నివేదిక అందించాలని జిల్లా పోలీసు అధికారులను ఆదేశించింది.