ఆస్ట్రేలియా జట్టుకు కీలక బాధ్యతల్లో మైక్ హస్సీ

ఆస్ట్రేలియా మాజీ క్రికెటర్ మైక్ హస్సీకి కీలక బాధ్యతలు అప్పగించింది ఆ దేశ క్రికెట్ బోర్డు. రానున్న యాషెస్ సిరీస్‌తో పాటు వచ్చే ఏడాది జరిగే వన్డే ప్రపంచకప్‌కు ఆస్ట్రేలియా జట్టుకు కన్సల్టెంట్ కోచ్‌గా ఆయన నియమితులయ్యారు. అలాగే లాస్ ఏంజెల్స్ ఒలింపిక్స్‌తో పాటు 2028లో జరిగే టీ20 ప్రపంచకప్‌కు టీ20 సలహాదారుగా వ్యవహరించనున్నారు.

ఇక ఇంగ్లండ్‌తో జరగనున్న టీ20 అంతర్జాతీయ సిరీస్‌లోనూ హస్సీ ఆస్ట్రేలియా జట్టుకు కోచింగ్ సహకారం అందించనున్నారు. న్యూజిలాండ్‌తో జరగనున్న టెస్టు సిరీస్‌కు జట్టు సన్నద్ధతలోనూ ఆయన కీలక పాత్ర పోషించనున్నారు. మూడు ఫార్మాట్లలో జట్టు ప్రదర్శనను మెరుగుపరిచేందుకు తన అనుభవాన్ని ఉపయోగించనున్నారు.