పెంటగాన్‌లో కలకలం.. ప్రమాద హెచ్చరికతో లాక్‌డౌన్..

అమెరికా రక్షణశాఖ ప్రధాన కార్యాలయమైన పెంటగాన్‌లో ప్రమాదకర పదార్థాలు ఉన్నాయనే అనుమానంతో అలారం మోగడంతో కొంతసేపు ఉద్రిక్త పరిస్థితులు నెలకొన్నాయి. అప్రమత్తమైన అధికారులు భవనంలోని పలు అంతస్తులు, కారిడార్లలో లాక్‌డౌన్ విధించారు.

అదే సమయంలో కొన్ని ప్రాంతాల నుంచి సిబ్బందిని ఖాళీ చేయించి తనిఖీలు నిర్వహించారు. అనంతరం గాలి నాణ్యతకు సంబంధించిన సమస్యను గుర్తించినట్లు పెంటగాన్ ప్రతినిధి వెల్లడించారు. పూర్తి స్థాయి తనిఖీల అనంతరం ఎలాంటి ప్రమాదం లేదని నిర్ధారించి కార్యాలయ కార్యకలాపాలను తిరిగి ప్రారంభించారు.