పైలట్‌ స్మిత్‌ మచ్చర్‌తో ఫోన్‌లో మాట్లాడిన ప్రధాని మోదీ

ఫ్లైదుబాయ్‌ విమానంలో సహ పైలట్‌ దాడిలో తీవ్రంగా గాయపడి ఆస్పత్రిలో చికిత్స పొందుతున్న కెప్టెన్‌ స్మిత్‌ మచ్చర్‌తో ప్రధాని నరేంద్ర మోదీ ఫోన్‌లో మాట్లాడారు. ఆయన ఆరోగ్య పరిస్థితిని అడిగి తెలుసుకున్న ప్రధాని.. విమానంలో చోటుచేసుకున్న ఘటనను మచ్చర్‌ నుంచి వివరంగా తెలుసుకున్నారు. సహ పైలట్‌ దాడి చేసిన తీరును, ఆ సమయంలో తాను ఎదుర్కొన్న పరిస్థితులను మచ్చర్‌ వివరించారు. క్లిష్ట సమయంలో చూపిన ధైర్యం, సమయస్ఫూర్తిని ప్రధాని మోదీ ప్రశంసించారు.

ఈ సందర్భంగా మచ్చర్‌ మాట్లాడుతూ.. తాను 11 ఏళ్లుగా కెప్టెన్‌గా పనిచేస్తున్నానని, ప్రమాద సమయంలో విమానం కిందికి వెళ్తున్న విషయాన్ని గుర్తించానని తెలిపారు. తీవ్ర గాయాలతో ఉన్నప్పటికీ కాక్‌పిట్‌ తలుపు తెరవడానికి ప్రయత్నించానని, ఆ సమయంలో హనుమాన్‌ చాలీసా చదువుతూ ధైర్యం తెచ్చుకున్నానని చెప్పారు. తలుపు తెరిచిన తర్వాత ప్రయాణికులు కాక్‌పిట్‌లోకి వచ్చి పరిస్థితిని అదుపులోకి తీసుకున్నారని వివరించారు.