రాహుల్‌పై విమర్శ బూమరాంగ్.. గ్రామర్ తప్పులతో ప్రొఫెసర్ వైరల్!

పశ్చిమ బెంగాల్‌కు చెందిన అర్పిత ఛటర్జీ అనే మహిళ తనను తాను అసిస్టెంట్ ప్రొఫెసర్‌గా పరిచయం చేసుకుంటూ ‘ఎక్స్’ వేదికగా రాహుల్ గాంధీ గతంలో చేసిన “అంధభక్తులు” వ్యాఖ్యలపై స్పందించారు. తాను ఇంగ్లీష్, ఎడ్యుకేషన్‌లో మాస్టర్స్ డిగ్రీలు పూర్తి చేశానని పేర్కొంటూ, ఆ వ్యాఖ్యల అర్థం తనలాంటి వారిని కూడా అవమానించడమేనా అని ప్రశ్నించారు.

అయితే ఆమె రాజకీయ విమర్శ కంటే, పోస్ట్‌లో చేసిన ఇంగ్లీష్ గ్రామర్ తప్పులే సోషల్ మీడియాలో ఎక్కువ చర్చకు దారి తీశాయి. పలువురు నెటిజన్లు ఆమె వాడిన పదాలను సరిదిద్దుతూ కామెంట్లు చేశారు. దీంతో రాజకీయ చర్చ పక్కకు వెళ్లి, గ్రామర్ తప్పులపై ట్రోలింగ్ ప్రారంభమైంది. ఈ ఘటన సోషల్ మీడియాలో విస్తృత చర్చకు కారణమైంది.