టీజీఎస్‌ఆర్టీసీ ఎన్నికల్లో ఎర్రజెండా సత్తా.. రాష్ట్ర స్థాయిలో కూటమి విజయం!

టీజీఎస్‌ఆర్టీసీ యూనియన్ ఎన్నికల్లో రాష్ట్ర స్థాయి, రీజియన్ స్థాయిల్లో భిన్నమైన ఫలితాలు నమోదయ్యాయి. రాష్ట్ర స్థాయిలో EU–TMU–NMU కూటమి విజయం సాధించడంతో ఎర్రజెండా రెపరెపలాడింది. మరోవైపు, రీజియన్లలో TWU–SWF–SWU కూటమి గెలుపొందింది. ఈ ఫలితాలు ప్రాంతీయ స్థాయిలో కాంగ్రెస్‌కు అనుకూల వర్గానికి ఊరటనిచ్చినట్లు రాజకీయ, కార్మిక వర్గాల్లో చర్చ జరుగుతోంది.

ఈ నెల 17న ఎన్నికల ఫలితాలను అధికారికంగా ప్రకటించనున్నారు. అలాగే, ఈ నెల 14, 15 తేదీల్లో పోస్టల్ బ్యాలెట్ ద్వారా ఓటు హక్కును వినియోగించుకునే అవకాశం కల్పించనున్నారు. అధికారిక ఫలితాల ప్రకటన అనంతరం యూనియన్ల వారీగా పూర్తి వివరాలు వెల్లడయ్యే అవకాశం ఉంది.