ఈదురు గాలుల దెబ్బకు విమానాశ్రయంలో కలకలం!

ఆదివారం సాయంత్రం ఢిల్లీలో కురిసిన భారీ వర్షం, ఈదురు గాలుల కారణంగా ఢిల్లీ విమానాశ్రయంలో కార్యకలాపాలు అంతరాయం కలిగాయి. టెర్మినల్-2 సమీపంలో నిలిపి ఉంచిన స్టెప్ ల్యాడర్ బలమైన గాలులకు కొట్టుకుపోయి అక్కడ పార్క్ చేసి ఉన్న మూడు ఎయిర్ ఇండియా విమానాలను ఢీకొట్టినట్లు సమాచారం.

ఘటన అనంతరం విమానాశ్రయ అధికారులు, ఎయిర్ ఇండియా సిబ్బంది పరిస్థితిని సమీక్షించారు. ఈ ఘటనలో ఎవరూ గాయపడలేదని తెలుస్తుండగా, విమానాలకు నష్టం జరిగినట్లు నివేదికలు వెల్లడించాయి. ప్రతికూల వాతావరణ పరిస్థితులు విమానాశ్రయ భద్రతపై ఎలాంటి ప్రభావం చూపుతాయో ఈ ఘటన మరోసారి గుర్తు చేసింది.