హార్మూజ్ జలసంధిపై ట్రంప్ సంచలన ప్రకటన..

అమెరికా అధ్యక్షుడు డొనాల్డ్ ట్రంప్ హార్మూజ్ జలసంధిపై కీలక ప్రకటన చేశారు. ఇరాన్‌కు చెందిన నౌకలు, వాటి వినియోగదారులపై దిగ్బంధనాన్ని పునరుద్ధరిస్తున్నట్లు ప్రకటించిన ఆయన, మిగతా దేశాలకు హార్మూజ్ జలసంధి ద్వారా స్వేచ్ఛగా రాకపోకలు కొనసాగుతాయని తెలిపారు. అయితే ఈ ప్రాంతంలో భద్రత కల్పించే ఖర్చుల కోసం హార్మూజ్ గుండా వెళ్లే వాణిజ్య సరుకులపై 20 శాతం రుసుము అమెరికాకు చెల్లించాలని ప్రతిపాదించారు. ఈ ప్రకటనను ట్రంప్ తన ట్రూత్ సోషల్ వేదికగా వెల్లడించారు.

ఈ ప్రకటన అమెరికా-ఇరాన్ మధ్య కొనసాగుతున్న ఉద్రిక్తతల నేపథ్యంలో ప్రాధాన్యత సంతరించుకుంది. ప్రపంచ చమురు రవాణాలో అత్యంత కీలకమైన మార్గాల్లో హార్మూజ్ జలసంధి ఒకటి కావడంతో, ఈ నిర్ణయం అంతర్జాతీయ వాణిజ్యం, ఇంధన సరఫరా, చమురు ధరలపై ప్రభావం చూపే అవకాశముందని విశ్లేషకులు అభిప్రాయపడుతున్నారు. అలాగే అంతర్జాతీయ సముద్ర చట్టాల పరంగా ఈ ప్రతిపాదనపై వివిధ దేశాలు ఎలా స్పందిస్తాయన్న అంశంపై ఆసక్తి నెలకొంది.