ఫ్లై దుబాయ్ FZ1073 ఘటనలో ఇరాన్‌ ప్రమేయంపై ట్రంప్‌ అనుమానాలు..

ఫ్లై దుబాయ్ FZ1073 విమానంలో జరిగిన ఘటనకు ఇరాన్‌తో సంబంధం ఉండొచ్చని అమెరికా అధ్యక్షుడు డొనాల్డ్ ట్రంప్‌ అనుమానం వ్యక్తం చేశారు. విమానంలోని ఒమన్‌ కో-పైలట్‌కు ఇరాన్‌తో సంబంధాలు ఉండే అవకాశం ఉందని, తాను అందుకుంటున్న సమాచారం ఆధారంగా ఈ అనుమానం వ్యక్తం చేస్తున్నట్లు ట్రంప్‌ తెలిపారు. అయితే ఈ అంశంపై దర్యాప్తు కొనసాగుతోందని స్పష్టం చేశారు.

దుబాయ్‌ నుంచి టెల్ అవీవ్‌ వెళ్తున్న FZ1073 విమానంలో కో-పైలట్‌ కెప్టెన్‌పై దాడి చేసినట్లు ఆరోపణలు రావడంతో విమానాన్ని సౌదీ అరేబియాలోని టబుక్‌కు మళ్లించారు. విమానం సురక్షితంగా ల్యాండ్‌ కాగా, ఘటనకు గల కారణం, కో-పైలట్‌ ఉద్దేశం, ఏదైనా బాహ్య సంస్థ ప్రమేయం ఉందా అనే అంశాలపై పలు దేశాల అధికారులు దర్యాప్తు చేస్తున్నారు. ట్రంప్‌ ఇరాన్‌ లింక్‌పై అనుమానాలు వ్యక్తం చేసినప్పటికీ, ఇప్పటివరకు ఇరాన్‌ ప్రమేయాన్ని నిర్ధారించే ఆధారాలు బహిరంగంగా వెల్లడికాలేదు. దర్యాప్తు పూర్తయిన తర్వాతే దీనిపై స్పష్టత వచ్చే అవకాశం ఉంది.