19 నెలల్లో అమెరికా ఆర్థిక వ్యవస్థను గాడిలో పెట్టాం: ట్రంప్

తన ప్రభుత్వం అధికారంలోకి వచ్చిన 19 నెలల్లోనే అమెరికా పరిస్థితులను గణనీయంగా మార్చిందని అధ్యక్షుడు డొనాల్డ్ ట్రంప్ పేర్కొన్నారు. ఆర్థిక వ్యవస్థలో సాధించిన పురోగతిని ప్రస్తావిస్తూ.. మెరుగైన ఉద్యోగ అవకాశాలను కల్పించడంతో పాటు ద్రవ్యోల్బణాన్ని తగ్గించామని ఆయన తెలిపారు. తన ప్రభుత్వం అమలు చేస్తున్న విధానాలు ఫలితాలను అందిస్తున్నాయనడానికి ఇవే నిదర్శనమని ట్రంప్ వ్యాఖ్యానించారు.

తన పాలనలో ఆర్థిక వ్యవస్థ సాధించిన పురోగతిని ట్రంప్ ప్రధాన విజయంగా పదేపదే ప్రస్తావిస్తున్నారు. రాజకీయ ప్రత్యర్థుల నుంచి వస్తున్న విమర్శలకు సమాధానంగా తన పాలనా రికార్డును సమర్థించుకుంటున్నారు. ఉద్యోగ కల్పన, ద్రవ్యోల్బణం తగ్గింపు అంశాలను ప్రస్తావిస్తూ.. అమెరికా ఆర్థిక వ్యవస్థలో సానుకూల మార్పులు తీసుకొచ్చామని ఆయన చెబుతున్నారు.