ఐఆర్‌సీటీసీ క్యాప్చాపై సోషల్‌ మీడియాలో జోరుగా చర్చ

రైలు పీఎన్‌ఆర్ స్థితిని తెలుసుకోవడం సాధారణంగా కొన్ని సెకన్ల పని. అయితే, ఓ ప్రయాణికుడికి ఎదురైన అనుభవం మాత్రం సోషల్ మీడియాలో చర్చనీయాంశమైంది. ఎక్స్‌ (మాజీ ట్విట్టర్‌)లో వైరల్ అయిన స్క్రీన్‌షాట్‌లో ఐఆర్‌సీటీసీ క్యాప్చాగా కనిపించిన ప్రశ్నలో సంక్లిష్ట గణిత సమీకరణాన్ని పరిష్కరించాలని అడిగినట్లు కనిపించింది. "నేను కేవలం పీఎన్‌ఆర్ మాత్రమే చెక్ చేయాలనుకున్నాను" అంటూ ఆ ప్రయాణికుడు చేసిన సరదా వ్యాఖ్య నెటిజన్ల దృష్టిని ఆకర్షించింది.

ఈ పోస్ట్ వైరల్ కావడంతో సోషల్ మీడియా వినియోగదారులు సరదా వ్యాఖ్యలు చేశారు. కొందరు ఐఆర్‌సీటీసీ పోటీ పరీక్షలకు సిద్ధం చేస్తోందని చమత్కరించగా, మరికొందరు పీఎన్‌ఆర్ చెక్ చేసే ముందు కాలిక్యులేటర్ సిద్ధంగా ఉంచుకోవాలని వ్యాఖ్యానించారు. అయితే, ఈ స్క్రీన్‌షాట్ నిజమేనా అనే సందేహాలను కూడా పలువురు వ్యక్తం చేశారు. సాధారణంగా ఐఆర్‌సీటీసీ క్యాప్చాలు సులభంగానే ఉంటాయని, వైరల్ పోస్ట్ నిజానిజాలపై స్పష్టత లేదని పేర్కొన్నారు.