జెడ్పీటీసీ, ఎంపీటీసీ స్థానాల్లో కూటమి ఆధిక్యం.. పార్టీల వారీగా ఫలితాలు ఇవే!

ఆంధ్రప్రదేశ్‌లో మొత్తం 659 జెడ్పీటీసీ, 9,821 ఎంపీటీసీ స్థానాలకు సంబంధించిన ఎన్నికల ఫలితాల్లో కూటమి పార్టీలకు ఆధిక్యం లభించినట్లు అందిన గణాంకాలు వెల్లడిస్తున్నాయి. మొత్తం స్థానాల్లో 77 జెడ్పీటీసీ, 2,051 ఎంపీటీసీ స్థానాలు ఏకగ్రీవమయ్యాయి. మిగిలిన స్థానాలకు జరిగిన ఎన్నికల్లో వివిధ పార్టీలు సాధించిన విజయాల వివరాలు వెల్లడయ్యాయి.

జెడ్పీటీసీ స్థానాల్లో టీడీపీ 386, జనసేన 70, బీజేపీ 19 స్థానాలను గెలుచుకున్నాయి. వైసీపీ 59 స్థానాల్లో విజయం సాధించగా, ఇతరులు నాలుగు స్థానాలను కైవసం చేసుకున్నారు. ఇక అర్ధరాత్రి 2 గంటల వరకు అందిన ఎంపీటీసీ ఫలితాల ప్రకారం కూటమి పార్టీలు కలిపి 5,819 స్థానాల్లో గెలిచాయి. ఇందులో టీడీపీ 4,754, జనసేన 945, బీజేపీ 120 స్థానాలను సాధించాయి. వైసీపీ 1,583, ఇతరులు 187 స్థానాల్లో విజయం సాధించినట్లు గణాంకాలు పేర్కొంటున్నాయి.