ఢిల్లీ హైకోర్టును ఆశ్రయించిన మహిళా రెజ్లర్లు

మాజీ రెజ్లింగ్‌ సమాఖ్య ఆఫ్‌ ఇండియా (డబ్ల్యూఎఫ్‌ఐ) అధ్యక్షుడు బ్రిజ్‌ భూషణ్‌ శరణ్‌ సింగ్‌ నిర్దోషిగా విడుదలైన తీర్పును సవాల్‌ చేస్తూ నలుగురు మహిళా రెజ్లర్లు ఢిల్లీలోని రౌస్‌ అవెన్యూ కోర్టును ఆశ్రయించారు. ఆగస్టు 3న మేజిస్ట్రేట్‌ కోర్టు ఇచ్చిన తీర్పును సవాల్‌ చేస్తూ దాఖలైన అప్పీల్‌పై ప్రత్యేక న్యాయమూర్తి దిగ్‌వినయ్‌ సింగ్‌ సోమవారం బ్రిజ్‌ భూషణ్‌, మాజీ డబ్ల్యూఎఫ్‌ఐ అసిస్టెంట్‌ సెక్రటరీ వినోద్‌ తోమర్‌, ఢిల్లీ పోలీసులకు నోటీసులు జారీ చేశారు.

మేజిస్ట్రేట్‌ కోర్టు తీర్పు చట్టపరంగా నిలబడదని, ఆధారాలను తప్పుగా, ఎంపిక చేసుకుని విశ్లేషించిందని రెజ్లర్లు తమ పిటిషన్‌లో పేర్కొన్నారు. తీర్పులో లైంగిక వేధింపుల బాధితుల ప్రవర్తనకు సంబంధించి మూసపద్ధతి అంచనాలను పరిగణనలోకి తీసుకున్నారని వారు వాదించారు. ఈ అప్పీల్‌పై తదుపరి విచారణను అక్టోబర్‌ 9కి కోర్టు వాయిదా వేసింది.