30 ఏళ్ల తర్వాత బాలయ్య, నాగ్ క్లాష్?

తెలుగు సినిమా బాక్సాఫీస్ దగ్గర ఒకే రోజున స్టార్ హీరోల చిత్రాలు విడుదల కావడం కొత్తేమీ కాదు. అయితే ఇద్దరు సీనియర్ హీరోల సినిమాలు ఒకే తేదీకి రావడం మాత్రం ఆసక్తిని పెంచుతుంది. ఇప్పుడు అలాంటి పరిస్థితి మళ్లీ కనిపించబోతోందనే టాక్ ఇండస్ట్రీలో వినిపిస్తోంది. నందమూరి నటసింహం బాలకృష్ణ, హీరో కింగ్ నాగార్జున సినిమాలు ఏకంగా 30 ఏళ్ల తర్వాత ఒకే తేదీన ప్రేక్షకుల ముందుకు వచ్చే అవకాశం ఉందట. నాగార్జున కెరీర్ బెంచ్ మార్క్ చిత్రంగా భావిస్తున్న కింగ్ 100ను డిసెంబర్ 24న విడుదల చేయనున్నట్లు మేకర్స్ ఇప్పటికే ప్రకటించారు. అదే తేదీన బాలయ్య నటిస్తున్న 111 వ సినిమా కూడా వచ్చే అవకాశముందని సినీ వర్గాల్లో ప్రచారం జరుగుతోంది.

1996లో బాలయ్య వంశానికొక్కడు, నాగ్ వజ్రం సినిమాలు జనవరి 5న ఒకే సమయంలో విడుదలయ్యాయి. ఆ తర్వాత మళ్లీ ఇన్నాళ్లకు వీరిద్దరి చిత్రాలు ఒకే తేదీకి రావచ్చనే వార్త ఇప్పుడు హాట్ టాపిక్‌గా మారింది. అయితే బాలయ్య 111 వ సినిమా విడుదల తేదీపై అధికారిక ప్రకటన రావాల్సి ఉంది. ఒకవేళ డిసెంబర్ 24 తేదీని చిత్ర బృందం ఖరారు చేస్తే, బాక్సాఫీస్ వద్ద మరో ఆసక్తికరమైన పోటీకి తెరలేచినట్టే. రెండు సినిమాలపై ఉన్న అంచనాల నేపథ్యంలో ఈ క్లాష్ అభిమానులకు ప్రత్యేకంగా మారనుంది.