‘హనుమాన్ అంశ’ తెలుగు విడుదలకు బ్రేక్? అసలు కారణం ఇదేనా?

బాలీవుడ్‌లో మంచి స్పందనతో కొనసాగుతున్న డివోషనల్ డ్రామా ‘హనుమాన్ అంశ్’ను తెలుగులో ‘హనుమాన్ అవతారం’ పేరుతో విడుదల చేసేందుకు సన్నాహాలు జరిగాయి. దర్శకుడు విశాల్ చతుర్వేది తెరకెక్కించిన ఈ చిత్రాన్ని తెలుగులో ప్రేక్షకులకు అందించేందుకు త్రివిక్రమ్ శ్రీనివాస్ ముందుకు వచ్చినట్లు గతంలో వార్తలు వచ్చాయి. ఈ నేపథ్యంలో సెప్టెంబర్ 18న తెలుగు వెర్షన్‌ను విడుదల చేయాలని నిర్ణయించినట్లు సమాచారం.

అయితే తాజాగా ఈ సినిమాకు సంబంధించిన తెలుగు విడుదల వ్యవహారాల నుంచి త్రివిక్రమ్ తప్పుకున్నట్లు ప్రచారం జరుగుతోంది. దీంతో సెప్టెంబర్ 18న రావాల్సిన సినిమా వాయిదా పడే అవకాశం ఉందనే టాక్ వినిపిస్తోంది. ఈ వార్తలతో తెలుగులో ‘హనుమాన్ అవతారం’ కోసం ఎదురుచూస్తున్న ప్రేక్షకుల్లో ఆసక్తి నెలకొంది. అయితే త్రివిక్రమ్ తప్పుకున్నారనే వార్తలపై, సినిమా విడుదల వాయిదాపై చిత్రబృందం నుంచి అధికారిక స్పష్టత రావాల్సి ఉంది.