షాక్ ఇస్తున్న ‘రామాయణ’ ప్రమోషన్ బడ్జెట్

‘రామాయణ’ సినిమాకు సంబంధించి భారీ ప్రమోషన్ బడ్జెట్‌పై సినీ వర్గాల్లో ఆసక్తికర చర్చ జరుగుతోంది. వస్తున్న కథనాల ప్రకారం సోనీ పిక్చర్స్ ఈ చిత్ర ప్రచారం కోసం సుమారు రూ.235 కోట్లు ఖర్చు చేయనున్నట్లు సమాచారం. దీనికి అదనంగా చిత్ర నిర్మాతలు మరో రూ.140 కోట్లు వెచ్చించే అవకాశం ఉందని ప్రచారం జరుగుతోంది.

ఈ అంచనాలు నిజమైతే ‘రామాయణ’ సినిమా మొత్తం ప్రమోషన్ బడ్జెట్ రూ.375 కోట్లకు చేరుకుని, భారతీయ సినీ చరిత్రలోనే అత్యంత భారీ ప్రచార వ్యయంతో రూపొందుతున్న చిత్రాల్లో ఒకటిగా నిలిచే అవకాశం ఉంది. ఈ వార్తతో సినీ అభిమానుల్లో ఆసక్తి మరింత పెరిగింది.

అయితే ఈ బడ్జెట్‌కు సంబంధించిన వివరాలను చిత్ర బృందం లేదా సోనీ పిక్చర్స్ ఇప్పటివరకు అధికారికంగా ధృవీకరించలేదు. అయినప్పటికీ సినిమాకు సంబంధించిన ప్రతి కొత్త అప్‌డేట్ సోషల్ మీడియాలో వైరల్ అవుతుండగా, ఈ చిత్రం భారతీయ సినీ చరిత్రలో అతిపెద్ద బ్లాక్‌బస్టర్‌గా నిలుస్తుందా అనే చర్చ కొనసాగుతోంది.