పెయిడ్ ప్రీమియర్లకు దూరంగా ఆదర్శ కుటుంబం

వెంకటేశ్, శ్రీనిధి శెట్టి జంటగా నటించిన ప్రతిష్ఠాత్మక తెలుగు కుటుంబ కథాచిత్రం ఆదర్శ కుటుంబం హౌస్ నంబర్ 47 – ఏకే 47 అక్టోబర్ 9, 2026న థియేటర్లలో విడుదలకు సిద్ధమవుతోంది. త్రివిక్రమ్ శ్రీనివాస్ దర్శకత్వం వహించిన ఈ చిత్రంపై నిర్మాత నాగవంశీ కీలక ప్రకటన చేశారు. ఈ సినిమాకు పెయిడ్ ప్రీమియర్లు ఉండవని, అక్టోబర్ 9న నేరుగా థియేటర్లలో విడుదల చేస్తామని స్పష్టం చేశారు.

అక్టోబర్ 6న చిత్ర ట్రైలర్‌ను విడుదల చేయనున్నట్లు నాగవంశీ తెలిపారు. అక్టోబర్ 7 నుంచి తెలుగు రాష్ట్రాల్లో టికెట్ విక్రయాలు ప్రారంభమవుతాయని వెల్లడించారు. ప్రచార కార్యక్రమాలు తుది దశకు చేరుకోవడంతో వెంకటేశ్ అభిమానుల్లో సినిమాపై ఆసక్తి పెరుగుతోంది. హారిక అండ్ హాసిని క్రియేషన్స్ బ్యానర్‌పై తెరకెక్కిన ఈ చిత్రానికి తమన్ సంగీతం అందించారు.