ఆదర్శ కుటుంబం : ఫస్ట్ సింగిల్‌పై థమన్ సాలిడ్ అప్డేట్.. అదిరిపోవాల్సిందే..!

విక్టరీ వెంకటేష్, మాటల మాంత్రికుడు త్రివిక్రమ్ శ్రీనివాస్ కాంబినేషన్‌లో తెరకెక్కుతున్న ‘ఆదర్శ కుటుంబం’ ఇప్పటికే ప్రేక్షకుల్లో మంచి బజ్ క్రియేట్ చేసింది. ఔట్ అండ్ ఔట్ ఫ్యామిలీ యాక్షన్ డ్రామాగా రూపొందుతున్న ఈ సినిమాకు సంబంధించిన పోస్టర్లు, టీజర్లు ప్రేక్షకుల దృష్టిని ఆకర్షించాయి. వెంకటేష్, త్రివిక్రమ్ కాంబినేషన్ కావడంతో ఈ ప్రాజెక్ట్‌పై ఆసక్తి మరింత పెరిగింది.

తాజాగా ఈ సినిమా నుంచి ఫస్ట్ సింగిల్‌ను విడుదల చేసేందుకు మేకర్స్ సిద్ధమవుతున్నారు. మ్యూజిక్ డైరెక్టర్ థమన్ సోషల్ మీడియాలో చేసిన పోస్ట్ ద్వారా సాంగ్ త్వరలోనే రాబోతుందని హింట్ ఇచ్చారు. అంతేకాకుండా ఈ పాట నెక్స్ట్ లెవెల్‌లో ఉండబోతుందంటూ ఆయన పేర్కొనడంతో ఫస్ట్ సింగిల్‌పై ప్రేక్షకుల్లో మరింత క్యూరియాసిటీ నెలకొంది. ఈ సినిమాలో వెంకటేష్ సరసన శ్రీనిధి శెట్టి హీరోయిన్‌గా నటిస్తుండగా, ఎస్. రాధాకృష్ణ ఈ చిత్రాన్ని నిర్మిస్తున్నారు.