ఐదేళ్ల తర్వాత వరల్డ్ టూర్ ఫైనల్స్‌కు పీవీ సింధు అర్హత

భారత స్టార్ షట్లర్‌ పీవీ సింధు మరోసారి తన సత్తా చాటుతోంది. ఈ ఏడాది జపాన్‌, హైలో ఓపెన్‌ టైటిళ్లను గెలుచుకోవడంతో పాటు ఫ్రెంచ్‌ ఓపెన్‌లో రన్నరప్‌గా నిలిచిన ఆమె.. ఐదేళ్ల విరామం తర్వాత బీడబ్ల్యూఎఫ్ వరల్డ్ టూర్ ఫైనల్స్‌కు అర్హత సాధించింది. చైనాలోని హాంగ్జౌ వేదికగా డిసెంబర్‌ 9 నుంచి 13 వరకు ఈ ప్రతిష్ఠాత్మక టోర్నీ జరగనుంది. దీంతో 2021 తర్వాత మరోసారి ఈ మెగా టోర్నీలో ఆడే అవకాశం సింధుకు దక్కింది.

సింధు 2018లో తొలిసారి బీడబ్ల్యూఎఫ్ వరల్డ్ టూర్ ఫైనల్స్ టైటిల్‌ను గెలుచుకుంది. ఆ తర్వాత 2019, 2020లో గ్రూప్‌ దశలోనే నిష్క్రమించింది. 2021లో ఫైనల్‌కు చేరినప్పటికీ దక్షిణ కొరియా షట్లర్‌ అన్‌ సె యంగ్‌ చేతిలో ఓడి రన్నరప్‌గా నిలిచింది. 2022లోనూ అర్హత సాధించిన సింధు.. ఎడమ చీలమండ గాయం కారణంగా చివరి నిమిషంలో టోర్నీ నుంచి తప్పుకుంది. ఈసారి మాత్రం బరిలోకి దిగి టైటిల్‌ సాధించాలనే లక్ష్యంతో సిద్ధమవుతోంది.