ధురంధర్‌పై విమర్శలు.. మాధవన్ కౌంటర్..!

సోషల్ మీడియాలో తనను ‘ఆర్‌ఎస్‌ఎస్‌ వ్యక్తి’గా పిలవడంపై నటుడు ఆర్. మాధవన్ స్పందించారు. అలాంటి కామెంట్లను తాను పట్టించుకోనని చెప్పారు. ప్రజాస్వామ్యబద్ధంగా ఎన్నికైన నాయకులకు మద్దతు ఇవ్వడం పౌరుడిగా తన బాధ్యత అని తెలిపారు. ఏ రాజకీయ పార్టీకి వ్యతిరేకంగా తాను ఎప్పుడూ పోస్ట్‌లు చేయలేదని, మంచి పని చేసిన నాయకుడిని ప్రశంసించడం సహజమని అన్నారు.

‘ధురంధర్’ సినిమా ప్రచార చిత్రమన్న ఆరోపణలను కూడా మాధవన్ ఖండించారు. ఇది పాకిస్థాన్ నేపథ్యంలోని జాతీయ భద్రత కథతో రూపొందిన సినిమా మాత్రమేనని చెప్పారు. నిజాలను నిజాయతీగా చూపించడం తమ బాధ్యత అని, విమర్శల భయంతో వాటిని మార్చలేమని స్పష్టం చేశారు. భారత విజయాలు, గొప్పతనాన్ని ప్రపంచానికి చూపించడం తప్పు కాదని అన్నారు.