హద్దులు దాటి వేధించడంతో.. అతని తల పగలగొట్టా: కాయదు లోహర్

యంగ్ హీరోయిన్ కాయదు లోహర్ తన కెరీర్‌ను “ముఖిల్ పేట్టె” సినిమాతో ప్రారంభించి, తెలుగులో “అల్లురి”లో నటించారు. అయితే “డ్రాగన్” సినిమా బ్లాక్‌బస్టర్ కావడంతో ఆమెకు తెలుగు, తమిళ, మలయాళ భాషల్లో వరుస అవకాశాలు వచ్చాయి. ప్రస్తుతం నాని సరసన “ది ప్యారడైజ్”లో నటిస్తున్న ఆమె సూర్యతో కూడా సినిమా చేయనున్నారు. అలాగే మరికొన్ని క్రేజీ ప్రాజెక్టులు లైన్లో ఉన్నాయి.

తాజాగా ఓ ఇంటర్వ్యూలో ఆమె 16 ఏళ్ల వయసులో జరిగిన ఒక చేదు ఘటనను గుర్తుచేసుకున్నారు. ట్యూషన్‌కు వెళ్తున్న సమయంలో ఒక అబ్బాయి తనను వేధిస్తూ వెంటపడేవాడని చెప్పారు. ఆ వేధింపులు ఎక్కువ కావడంతో కోపంతో రాయిని విసిరినట్లు, అది అతడికి గాయమై అక్కడి నుంచి పారిపోయాడని తెలిపారు. బయటకు సైలెంట్‌గా కనిపించినా తప్పు జరిగితే గట్టిగా స్పందిస్తానని, భవిష్యత్తులో కూడా అలా జరిగితే తిరిగి స్పందిస్తానని కాయదు స్పష్టం చేశారు.