దీపికా పదుకొణె ‘ఫేక్‌ బేబీ బంప్‌’ కామెంట్స్‌పై ఇన్‌ఫ్లూయెన్సర్‌ స్ట్రాంగ్‌ కౌంటర్‌...

అగ్రకథానాయిక దీపికా పదుకొణె రెండోసారి తల్లి కాబోతున్న విషయం తెలిసిందే. ఇటీవల తన కుమార్తె దువా రెండో పుట్టినరోజు సందర్భంగా బేబీ బంప్‌తో ఉన్న ఫొటోలను సోషల్‌ మీడియాలో షేర్‌ చేశారు. ఈ ఫొటోలు వైరల్‌ కావడంతో కొందరు నెటిజన్లు దీపికను ట్రోల్‌ చేశారు. ఆమె బేబీ బంప్‌ నిజమైనది కాదంటూ ‘ఫేక్‌ బేబీ బంప్‌’ అని విమర్శలు చేశారు. ఈ వ్యాఖ్యలపై ఓ ఇన్‌ఫ్లూయెన్సర్‌ తీవ్రంగా స్పందిస్తూ.. సెలబ్రిటీల వ్యక్తిగత జీవితంలోని సున్నితమైన అంశాలపై ఇలాంటి ట్రోలింగ్‌ సరికాదని పేర్కొన్నారు.

చిన్నారి దువా అచ్చం రణ్‌వీర్‌ సింగ్‌లా కనిపిస్తోందని, తండ్రీకూతుళ్లు కాపీ-పేస్ట్‌లా ఉన్నారని ఇన్‌ఫ్లూయెన్సర్‌ అన్నారు. తొలి గర్భధారణ సమయంలోనూ దీపిక ఇలాంటి విమర్శలను ఎదుర్కొన్న విషయాన్ని గుర్తుచేస్తూ.. ఆమె మాతృత్వంలోని మధుర క్షణాలను ఆస్వాదించనివ్వాలని కోరారు. ఈ ఇన్‌ఫ్లూయెన్సర్‌ పోస్ట్‌ను దీపిక లైక్‌ చేసి తన మద్దతును తెలిపారు. దీపిక, రణ్‌వీర్‌ సింగ్‌ దంపతులు 2018లో వివాహం చేసుకున్నారు. 2024లో వీరికి తొలి సంతానంగా కుమార్తె జన్మించగా.. ఆమెకు దువా అని పేరు పెట్టారు. ఇప్పుడు ఈ దంపతులు రెండో బిడ్డ కోసం ఎదురుచూస్తున్నారు.