ఆమిర్ ఖాన్ కుటుంబానికి క్షమాపణలు చెప్పిన ఫైసల్

బాలీవుడ్ స్టార్ హీరో ఆమిర్ ఖాన్ త్వరలో తన స్నేహితురాలు గౌరీ స్ప్రాట్‌ను వివాహం చేసుకోనున్న విషయం తెలిసిందే. ఈ నేపథ్యంలో ఆయన సోదరుడు ఫైసల్ ఖాన్ సంవత్సరాలుగా కొనసాగుతున్న కుటుంబ వివాదానికి ముగింపు పలికారు. గతంలో కుటుంబ సభ్యులపై చేసిన వివాదాస్పద వ్యాఖ్యలకు ఆయన పశ్చాత్తాపం వ్యక్తం చేశారు.

తాజా ఇంటర్వ్యూలో ఫైసల్ మాట్లాడుతూ ముందుగా తన తల్లికి క్షమాపణ చెప్పాలని ఉందని, ఆమిర్ ఖాన్‌తో పాటు కుటుంబ సభ్యులందరికీ సారీ చెబుతున్నానని తెలిపారు. కోపం, బాధలో తాను అనవసర వ్యాఖ్యలు చేశానని ఒప్పుకున్నారు. ఇప్పుడు ఎవరు తప్పు, ఎవరు ఒప్పు అనేది కాదు, కుటుంబ బంధాలను తిరిగి బలపరచడమే ముఖ్యమని అన్నారు. ఆధ్యాత్మిక ఆలోచనల వల్ల తనలో మార్పు వచ్చిందని చెప్పారు. గతంలో ఆమిర్ తనను గదిలో బంధించాడని కూడా ఆయన ఆరోపించిన విషయం తెలిసిందే.