బాలీవుడ్‌పై ఆసక్తికర వ్యాఖ్యలు చేసిన జ్యోతిక...

సీనియర్ నటి జ్యోతిక తాజాగా ఇచ్చిన ఇంటర్వ్యూలో బాలీవుడ్, సౌత్ ఇండస్ట్రీల మధ్య ఉన్న తేడాల గురించి ఆసక్తికర వ్యాఖ్యలు చేశారు. 1998లో ‘డోలి సజాకే రఖ్నా’ సినిమాతో బాలీవుడ్‌లో అడుగుపెట్టిన ఆమెకు మొదటి సినిమా ఆశించిన విజయాన్ని అందించలేదని తెలిపారు. ఆ సినిమా ఫ్లాప్ కావడంతో బాలీవుడ్ తనకు మరో అవకాశం ఇవ్వలేదని జ్యోతిక వెల్లడించారు.

అనంతరం తమిళ ఇండస్ట్రీలో కూడా తన మొదటి సినిమా ఫ్లాప్ అయినప్పటికీ అక్కడ వరుస అవకాశాలు వచ్చాయని చెప్పారు. తక్కువ కాలంలోనే తమిళ, తెలుగు, కన్నడ భాషల్లో స్టార్ హీరోయిన్‌గా గుర్తింపు తెచ్చుకున్నట్లు పేర్కొన్నారు. ప్రస్తుతం బాలీవుడ్‌లో మహిళా ప్రధాన కథలకు ఎక్కువ ప్రాధాన్యం ఇస్తున్నారని, సౌత్‌లో ఇంకా ఆ దిశగా పెద్దగా మార్పులు రాలేదని అభిప్రాయపడ్డారు. ప్రస్తుతం జ్యోతిక ‘సిస్టమ్’ సినిమా ప్రమోషన్స్‌లో బిజీగా ఉన్నారు.