అండర్-19 ఆసియా కప్‌కు ద్రవిడ్, సెహ్వాగ్ తనయులు.. భారత జట్టులో చోటు

భారత క్రికెట్ దిగ్గజాలు రాహుల్ ద్రవిడ్, వీరేందర్ సెహ్వాగ్ తనయులు అంతర్జాతీయ స్థాయిలో దేశానికి ప్రాతినిధ్యం వహించేందుకు సిద్ధమయ్యారు. రాహుల్ ద్రవిడ్ కుమారుడు అన్వయ్ ద్రవిడ్, వీరేందర్ సెహ్వాగ్ కుమారుడు ఆర్యవీర్ సెహ్వాగ్ ACC పురుషుల అండర్-19 ఆసియా కప్ కోసం ప్రకటించిన భారత జట్టులో చోటు దక్కించుకున్నారు. దిగ్గజ క్రికెటర్ల వారసులు ఒకే జట్టులో ఎంపిక కావడం క్రికెట్ అభిమానుల్లో ఆసక్తిని పెంచుతోంది.

నవంబర్ 5 నుంచి 14 వరకు ఒమన్ రాజధాని మస్కట్‌లో ఈ టోర్నీ జరగనుంది. ఇటీవల ముగిసిన వినూ మన్కడ్ ట్రోఫీలో అన్వయ్, ఆర్యవీర్ ఇద్దరూ ఆకట్టుకునే ప్రదర్శన చేశారు. ఈ ప్రదర్శన ఆధారంగా జాతీయ అండర్-19 జట్టుకు ఎంపికయ్యారు. ఆసియా కప్‌లో తమ ప్రతిభను నిరూపించుకుని భారత జట్టు విజయాల్లో భాగస్వాములు కావాలని అభిమానులు ఆశిస్తున్నారు.