టీజర్‌కు ముందు ‘మిర్జాపూర్: ది మూవీ’ ఫస్ట్ లుక్ పోస్టర్లు విడుదల

మిర్జాపూర్: ది మూవీ టీజర్ విడుదలకు ముందు చిత్ర బృందం విడుదల చేసిన ఫస్ట్ లుక్ క్యారెక్టర్ పోస్టర్లు అభిమానుల్లో భారీ ఆసక్తిని రేకెత్తిస్తున్నాయి. మిర్జాపూర్ ప్రపంచాన్ని ప్రభావితం చేసిన గద్దీ, మున్నా భయ్యా, గుడ్డు భయ్యా, కాలీన్ భయ్యా పాత్రలను ప్రధానంగా చూపిస్తూ రూపొందించిన ఈ పోస్టర్లు అధికారం, వారసత్వం, ప్రత్యర్థిత్వాన్ని మరోసారి గుర్తు చేస్తున్నాయి. “గద్దీ హై తో హమ్ హై” అనే శక్తివంతమైన ట్యాగ్‌లైన్‌తో విడుదలైన ఈ పోస్టర్లు సోషల్ మీడియాలో వైరల్ అవుతున్నాయి.

ఈ పోస్టర్లతో మిర్జాపూర్ అభిమానుల్లో ఉత్సాహం మరింత పెరిగింది. అభిమానులు తమ అభిమాన పాత్రల రీఎంట్రీపై సోషల్ మీడియాలో చర్చలు జరుపుతున్నారు. అమెజాన్ ఎంజీఎం స్టూడియోస్, ఎక్సెల్ ఎంటర్‌టైన్‌మెంట్ సంయుక్తంగా నిర్మిస్తున్న ఈ చిత్రానికి గుర్మీత్ సింగ్ దర్శకత్వం వహించగా, పునీత్ కృష్ణ కథను అందించారు. రితేష్ సిద్ధ్వానీ, ఫర్హాన్ అక్తర్ నిర్మిస్తున్న ఈ చిత్రం 2026 సెప్టెంబర్ 4న హిందీతో పాటు తెలుగులోనూ ప్రపంచవ్యాప్తంగా థియేటర్లలో విడుదల కానుంది.