స్టేజ్‌పై డ్యాన్స్‌తో మెప్పించిన మోహన్‌లాల్

జర్మనీలో నిర్వహించిన ‘స్టార్ నైట్ షో’లో మలయాళ సూపర్ స్టార్ మోహన్‌ లాల్ తన ఉత్సాహభరితమైన నృత్య ప్రదర్శనతో అభిమానులను ఆకట్టుకున్నారు. 66 ఏళ్ల వయసులోనూ ఆయన వేదికపై ఎనర్జీతో నిండిన స్టెప్పులు వేస్తూ ప్రేక్షకుల నుంచి భారీ చప్పట్లు అందుకున్నారు.

‘బాహుబలి’ చిత్రంలోని ‘మనోహరి’ పాటతో పాటు ధనుష్ నటించిన ‘తిరు’ సినిమాలోని ‘మేఘం కరిగేనా’ పాటలకు మోహన్‌లాల్ వేసిన డ్యాన్స్ స్టెప్పులు ప్రత్యేక ఆకర్షణగా నిలిచాయి. ఈ వీడియోలు సోషల్ మీడియాలో వైరల్‌గా మారగా, అభిమానులు ఆయన ఉత్సాహాన్ని ప్రశంసిస్తున్నారు.