సీతాదేవి గొప్పతనం అదే.. ఆమె సహనం, భక్తిపై ముఖేష్‌ ఖన్నా వ్యాఖ్యలు

ప్రముఖ నటుడు ముఖేష్‌ ఖన్నా సీతాదేవి వ్యక్తిత్వం, ఆమె గొప్పతనంపై తన అభిప్రాయాలను వెల్లడించారు. సీత ఎవరితోనూ పోరాడలేదని, భక్తి, సహనం, నిబద్ధతకు ప్రతీకగా నిలిచిందని ఆయన పేర్కొన్నారు. రాముడు 14 ఏళ్ల వనవాసానికి వెళ్లినప్పుడు, తాను కూడా ఆయనతో పాటు వెళ్తానని సీత స్వచ్ఛందంగా నిర్ణయించుకుందని గుర్తుచేశారు. ఈ నిర్ణయం ఆమె అంకితభావం, మానసిక బలాన్ని ప్రతిబింబిస్తుందని అభిప్రాయపడ్డారు.

సీతాదేవి పాత్రను కేవలం సహనం, భక్తితోనే కాకుండా ఆమె వ్యక్తిత్వంలోని ఇతర కోణాల్లోనూ అర్థం చేసుకోవాలనే చర్చకు ముఖేష్‌ ఖన్నా వ్యాఖ్యలు తెరతీశాయి. రామాయణంలో సీత పాత్ర, ఆమె చూపిన ధైర్యం, నిబద్ధత గురించి మరోసారి చర్చ మొదలైంది.