‘ఆదర్శ కుటుంబం’.. రిలీజ్‌పై క్లారిటీ ఇచ్చిన నిర్మాత నాగవంశీ

వెంకటేశ్‌ కథానాయకుడిగా నటిస్తున్న తాజా ఫ్యామిలీ యాక్షన్‌ ఎంటర్‌టైనర్‌ ‘ఆదర్శ కుటుంబం – హౌస్‌ నెం.47’. త్రివిక్రమ్‌ దర్శకత్వంలో తెరకెక్కిన ఈ చిత్రం అక్టోబర్‌ 9న ప్రేక్షకుల ముందుకు రానుంది. సినిమా అనుకున్న తేదీకి విడుదలవుతుందా అనే సందేహాల నేపథ్యంలో నిర్మాత నాగవంశీ క్లారిటీ ఇచ్చారు. విడుదల తేదీలో ఎలాంటి మార్పు ఉండదని స్పష్టం చేశారు. దసరా పండుగను తమ సినిమాతో ప్రారంభించాలని ప్రేక్షకులను కోరారు.

అక్టోబర్‌ 6న ‘ఆదర్శ కుటుంబం’ ట్రైలర్‌ను విడుదల చేయనున్నట్లు నాగవంశీ తెలిపారు. అక్టోబర్‌ 7 నుంచి రెండు తెలుగు రాష్ట్రాల్లో టికెట్‌ బుకింగ్స్‌ ప్రారంభమవుతాయని వెల్లడించారు. ఈ సినిమాకు ప్రీమియర్స్‌ ఉండవని కూడా స్పష్టం చేశారు. ఇందులో వెంకటేశ్‌కు జోడీగా శ్రీనిధి శెట్టి నటిస్తుండగా, నారా రోహిత్‌ కీలక పాత్రలో కనిపించనున్నారు. ఇప్పటికే విడుదలైన ‘నారాయణమ్మ’ పాట సోషల్‌ మీడియాలో ట్రెండింగ్‌లో నిలిచింది.