అఖిల్ ‘లెనిన్’ క్లైమాక్స్‌పై నాగార్జున రియాక్షన్..?

అక్కినేని అఖిల్ నటిస్తున్న ‘లెనిన్’ సినిమా జూన్ 26న విడుదలకు సిద్ధమవుతోంది. తాజాగా ఈ సినిమా ఫస్ట్ కాపీని నాగార్జున వీక్షించినట్లు సమాచారం. ఆయనకు సినిమా మొత్తం నచ్చినట్లు, ముఖ్యంగా క్లైమాక్స్ ఎపిసోడ్ అయితే ఎంతో ఆకట్టుకున్నట్లు సినీ వర్గాల్లో టాక్ వినిపిస్తోంది. దర్శకుడు మురళీ కిషోర్ అబ్బూరు ఈ క్లైమాక్స్‌ను చాలా కొత్తగా డిజైన్ చేసినట్లు తెలుస్తోంది.

అఖిల్ ఇప్పటివరకు సరైన సూపర్ హిట్ కోసం ఎదురుచూస్తున్నాడు. ఈ సినిమా ఆ లోటును తీరుస్తుందనే ఆశాభావం అభిమానుల్లో నెలకొంది. భాగ్యశ్రీ బోర్సే హీరోయిన్‌గా నటిస్తుండగా, ఎస్.ఎస్. తమన్ సంగీతం అందిస్తున్నారు. సితార ఎంటర్టైన్మెంట్స్, అన్నపూర్ణ స్టూడియోస్ బ్యానర్లపై ఈ చిత్రాన్ని భారీగా నిర్మిస్తున్నారు.