చిరంజీవి బర్త్‌డే విషెస్‌కు నాగార్జున ఎమోషనల్ రిప్లై...

మెగాస్టార్‌ చిరంజీవి, కింగ్‌ నాగార్జున మధ్య ఉన్న దశాబ్దాల స్నేహబంధం మరోసారి సోషల్‌ మీడియాలో హైలైట్‌ అయింది. నాగార్జున పుట్టినరోజు సందర్భంగా చిరంజీవి తన అధికారిక ‘X’ ఖాతా ద్వారా ఆప్యాయంగా శుభాకాంక్షలు తెలిపారు. నాగార్జునకు భగవంతుడు మంచి ఆరోగ్యం, సంతోషాన్ని ప్రసాదించాలని, రాబోయే రోజుల్లో మరెన్నో విజయవంతమైన సంవత్సరాలు చూడాలని ఆకాంక్షించారు. చిరంజీవి పంపిన ఈ ప్రేమపూర్వక సందేశం అభిమానులను ఆకట్టుకుంది.

చిరంజీవి శుభాకాంక్షలకు నాగార్జున కూడా హృదయపూర్వకంగా స్పందించారు. చిరంజీవి పోస్ట్‌ను రీ-ట్వీట్‌ చేస్తూ.. తనకు అందించిన ఆశీస్సులు, శుభాకాంక్షలకు ధన్యవాదాలు తెలిపారు. ఇద్దరు సీనియర్‌ హీరోలు తెరపై పోటీ పడుతున్నప్పటికీ వ్యక్తిగతంగా ఒకరినొకరు గౌరవించుకుంటూ కొనసాగిస్తున్న స్నేహం మరోసారి అభిమానుల ముందుకు వచ్చింది. నాగార్జున 100వ చిత్రం ‘KING 100’పై ఆసక్తి నెలకొన్న వేళ చిరంజీవి నుంచి వచ్చిన ఈ విషెస్‌ సినిమాపై పాజిటివ్‌ వైబ్స్‌ను మరింత పెంచాయి.