కుమారుడి పేరును ప్రకటించిన నారా రోహిత్‌

ప్రముఖ కథానాయకుడు నారా రోహిత్‌, శిరీష దంపతులకు గత జూన్‌లో కుమారుడు జన్మించిన విషయం తెలిసిందే. తాజాగా తమ కుమారుడి పేరును నారా రోహిత్‌ సోషల్‌ మీడియా వేదికగా వెల్లడించారు. తమ కుమారుడికి ‘నందన్‌ రామ నారా’ అని పేరు పెట్టినట్లు తెలిపారు. కుమారుడిని ప్రపంచానికి పరిచయం చేస్తున్నందుకు ఎంతో సంతోషంగా ఉందని పేర్కొన్నారు.

‘నందన్‌’ అంటే అంతులేని ఆనందాన్ని పంచేవాడని, ‘రామ’ అనే పేరును తన తాతగారి గౌరవార్థం పెట్టినట్లు నారా రోహిత్‌ తెలిపారు. ఇది కేవలం ఒక పేరు మాత్రమే కాదని, తమ కుటుంబ ప్రేమకు, అమూల్యమైన జ్ఞాపకాలకు ప్రతీక అని పేర్కొన్నారు. తమ చిట్టి నందన్‌కు ఈ ప్రపంచంలోకి స్వాగతం పలుకుతూ నారా రోహిత్‌ భావోద్వేగ పోస్ట్‌ చేశారు.