కలలు వదలొద్దు.. మహిళలకు రాశి ఖన్నా కీలక సందేశం!

వరుస పరాజయాలు ఎదురైనా పట్టుదలతో ముందుకు సాగుతున్న నటి రాశి ఖన్నాకు అరుదైన అవకాశం దక్కింది. సూపర్‌స్టార్‌ రజనీకాంత్‌ సరసన నటించే ఛాన్స్‌ను ఆమె సొంతం చేసుకున్నారు. అశ్వత్‌ మారిముత్తు దర్శకత్వంలో తెరకెక్కుతున్న ఈ చిత్రాన్ని విశ్వనటుడు కమల్‌ హాసన్‌ తన రాజ్‌ కమల్‌ ఫిల్మ్స్‌ ఇంటర్నేషనల్‌ బ్యానర్‌పై నిర్మిస్తున్నారు. ఇందులో సిమ్రాన్‌ కీలక పాత్రలో నటిస్తున్నారు. ఈ సందర్భంగా ఓ ఇంటర్వ్యూలో రాశి ఖన్నా తన సినీ ప్రయాణం, జీవితంపై తన ఆలోచనలను పంచుకున్నారు.

కలలు కనడం, వాటిని సాకారం చేసుకునేందుకు ప్రయత్నించడం ఎప్పటికీ ఆపకూడదని రాశి ఖన్నా అన్నారు. జీవితంలో కలలు కనడం ఎంత అందమైనదో, వాటిని సాధించేందుకు చేసే ప్రయాణం కూడా అంతే విలువైనదని చెప్పారు. ఎదురయ్యే అడ్డంకులు మనల్ని ఓడించడానికి కాదని, విజయానికి మరింత దగ్గర చేసే అవకాశాలని పేర్కొన్నారు. ముఖ్యంగా మహిళలు ఎలాంటి పరిస్థితుల్లోనూ తమ కలలను వదులుకోవద్దని, ధైర్యంగా ముందుకు సాగాలని రాశి ఖన్నా పిలుపునిచ్చారు. ఆమె వ్యాఖ్యలు ప్రస్తుతం అభిమానులను ఆకట్టుకుంటున్నాయి.