రామ్ చరణ్ సర్జరీ పై స్పందించిన పెద్ది మేకర్స్

గ్లోబల్ స్టార్ రామ్ చరణ్‌కు మణికట్టు సర్జరీ విజయవంతంగా పూర్తైనట్లు పెద్ది చిత్రబృందం అధికారికంగా వెల్లడించింది. గాయం ఉన్నప్పటికీ సినిమా కోసం కీలక సన్నివేశాల చిత్రీకరణను పూర్తి చేసిన ఆయన అంకితభావాన్ని మేకర్స్ ప్రత్యేకంగా ప్రశంసించారు. తన వృత్తిపట్ల ఆయన చూపించిన నిబద్ధత అందరికీ ఆదర్శమని పేర్కొన్నారు.

రామ్ చరణ్ త్వరగా పూర్తిగా కోలుకుని ఆరోగ్యంగా తిరిగి రావాలని పెద్ది యూనిట్ ఆకాంక్షించింది. ప్రస్తుతం విశ్రాంతి, ఫిజియోథెరపీపై దృష్టి సారిస్తున్న చరణ్, త్వరలోనే మళ్లీ షూటింగ్‌లలో పాల్గొంటారని అభిమానులు ఆశాభావం వ్యక్తం చేస్తున్నారు.