కలెక్షన్స్ లో పెద్ది జోరు

మెగా పవర్ స్టార్ రామ్ చరణ్ నటించిన ‘పెద్ది’ చిత్రం బాక్సాఫీస్ వద్ద విజయవంతంగా దూసుకుపోతోంది. చిత్ర బృందం విడుదల చేసిన తాజా పోస్టర్ ప్రకారం, ఈ సినిమా ప్రపంచవ్యాప్తంగా రూ.400 కోట్ల గ్రాస్ వసూళ్లను సాధించింది. ఈ ఘనతతో 2026 సంవత్సరంలో అత్యధిక వసూళ్లు సాధించిన దక్షిణాది చిత్రాల్లో అగ్రస్థానంలో నిలిచినట్లు మేకర్స్ పేర్కొన్నారు.

బుచ్చిబాబు సానా దర్శకత్వంలో తెరకెక్కిన ఈ చిత్రానికి దేశ విదేశాల్లో ప్రేక్షకుల నుంచి విశేష ఆదరణ లభిస్తోంది. రామ్ చరణ్ నటన, భావోద్వేగభరిత కథనం, భారీ నిర్మాణ విలువలు ప్రేక్షకులను ఆకట్టుకున్నాయి. వరుస రికార్డులు సృష్టిస్తున్న ‘పెద్ది’ ఈ ఏడాది అత్యంత విజయవంతమైన చిత్రాల్లో ఒకటిగా నిలుస్తోంది.