ఉద్ధవ్ ఠాక్రేకు భారీ షాక్.. షిండే వర్గంలో విలీనానికి ఆరుగురు ఎంపీల లేఖ

మహారాష్ట్ర రాజకీయాల్లో కీలక పరిణామం చోటుచేసుకుంది. ఉద్ధవ్ ఠాక్రే నేతృత్వంలోని శివసేన (యూబీటీ) వర్గంలో అంతర్గత విభేదాలు బహిర్గతమైనట్లు సమాచారం. ఆ వర్గానికి చెందిన ఆరుగురు రెబల్ ఎంపీలు లోక్‌సభ స్పీకర్ ఓం బిర్లాకు లేఖ రాసి, ఏక్‌నాథ్ షిండే నేతృత్వంలోని శివసేన వర్గంలో తమను విలీనం చేయాలని కోరినట్లు వార్తలు వెలువడ్డాయి.

ఈ పరిణామం ఉద్ధవ్ ఠాక్రే వర్గానికి పెద్ద ఎదురుదెబ్బగా రాజకీయ విశ్లేషకులు భావిస్తున్నారు. విలీనానికి సంబంధించిన లేఖ రాజకీయ వర్గాల్లో చర్చనీయాంశంగా మారగా, దీనిపై రెండు వర్గాల నేతలు స్పందించే అవకాశం ఉంది. ఈ పరిణామం మహారాష్ట్ర రాజకీయ సమీకరణాలపై ప్రభావం చూపే అవకాశముందని పరిశీలకులు అభిప్రాయపడుతున్నారు.