‘RAPO23’ కోసం రామ్ స్టైలిష్ మేకోవర్ వైరల్

రామ్ పోతినేని హీరోగా నటిస్తూ తొలిసారి దర్శకత్వం వహిస్తున్న చిత్రం ‘RAPO23’ . రాపో సినిమాటిక్స్ బ్యానర్‌పై కృష్ణ పోతినేని నిర్మిస్తున్న ఈ చిత్రాన్ని భారీ బడ్జెట్‌తో ప్రతిష్టాత్మకంగా రూపొందిస్తున్నారు. రామ్ కెరీర్‌లోనే అత్యధిక వ్యయంతో తెరకెక్కుతున్న ఈ సినిమా కావడంతో అభిమానుల్లో భారీ అంచనాలు నెలకొన్నాయి.

ప్రస్తుతం సినిమా షూటింగ్ శరవేగంగా కొనసాగుతోంది. ఈ చిత్రంలో తన పాత్ర కోసం రామ్ పూర్తిగా మేకోవర్ అయినట్లు తెలుస్తోంది. బాడీ లాంగ్వేజ్‌తో పాటు హెయిర్‌స్టైల్‌లో కూడా మార్పులు చేసుకున్నాడు. తాజాగా విడుదలైన ఆయన స్టైలిష్ లుక్ ఫొటోలు సోషల్ మీడియాలో వైరల్ అవుతున్నాయి. త్వరలోనే సినిమా తదుపరి షూటింగ్ షెడ్యూల్ ప్రారంభం కానుందని చిత్రబృందం సంకేతాలు ఇచ్చింది.