రెండు భాగాలుగా రిషబ్ శెట్టి ‘ఛత్రపతి శివాజీ మహారాజ్’ మహాకావ్యం!

జాతీయ అవార్డు గ్రహీత రిషబ్ శెట్టి ప్రధాన పాత్రలో తెరకెక్కనున్న ది ప్రైడ్ ఆఫ్ భారత్: ఛత్రపతి శివాజీ మహారాజ్ చిత్రం భారతీయ సినీ పరిశ్రమలో అత్యంత ప్రతిష్ఠాత్మక ప్రాజెక్టులలో ఒకటిగా మారుతోంది. తొలుత ఒకే చిత్రంగా రూపొందించాలని భావించిన ఈ ప్రాజెక్ట్‌ను, ఛత్రపతి శివాజీ మహారాజ్ జీవితం, యుద్ధ వ్యూహాలు, స్వరాజ్య స్థాపన వెనుక ఉన్న మహత్తర దృక్పథాన్ని పూర్తి స్థాయిలో చూపించేందుకు రెండు భాగాలుగా తెరకెక్కించాలని నిర్మాతలు నిర్ణయించినట్లు సమాచారం. ఈ చిత్రానికి మొత్తం వ్యయం ₹500 కోట్లకు మించి ఉండనున్నట్లు తెలుస్తోంది.

కాంతార, కేజీఎఫ్ వంటి బ్లాక్‌బస్టర్ చిత్రాలను అందించిన హోంబలే ఫిల్మ్స్ నిర్మాణంలో, సందీప్ సింగ్ దర్శకత్వంలో ఈ భారీ చిత్రం రూపొందనుంది. ప్రస్తుతం జై హనుమాన్ చిత్ర పనులను పూర్తి చేస్తున్న రిషబ్ శెట్టి, అనంతరం ఈ ప్రాజెక్ట్‌పై పూర్తిస్థాయిలో దృష్టి సారించనున్నట్లు సమాచారం. ప్రస్తుత ప్రణాళిక ప్రకారం తొలి భాగం 2028లో, రెండో భాగం 2029లో ప్రేక్షకుల ముందుకు రానుంది.