నెట్‌ఫ్లిక్స్‌లో దూసుకెళ్తున్న ‘సింగ్ గీతం’..!

ప్రముఖ దర్శకుడు సింగీతం శ్రీనివాసరావు తెరకెక్కించిన ‘సింగ్ గీతం’ థియేటర్లలో ప్రశంసలు అందుకున్న తర్వాత ఇప్పుడు ఓటిటి వేదికపై కూడా అదే జోరును కొనసాగిస్తోంది. ఇటీవల నెట్‌ఫ్లిక్స్‌లో స్ట్రీమింగ్‌కు వచ్చిన ఈ చిత్రం ప్రేక్షకుల నుంచి విశేష ఆదరణ పొందుతోంది. ప్రస్తుతం ఈ సినిమా నెట్‌ఫ్లిక్స్ టాప్ ట్రెండింగ్ జాబితాలో 6వ స్థానంలో కొనసాగుతున్నట్లు సమాచారం. తెలుగు ప్రేక్షకులతో పాటు ఇతర భాషల ప్రేక్షకులు కూడా ఈ చిత్రాన్ని ఆసక్తిగా వీక్షిస్తున్నారు.

వినూత్న కథాంశం, భావోద్వేగభరితమైన కథనం, ఆకట్టుకునే పాత్రల రూపకల్పన ఈ చిత్ర విజయానికి ప్రధాన కారణాలుగా నిలుస్తున్నాయి. వైజయంతీ మూవీస్, స్వప్న సినిమా భాగస్వామ్యంతో రూపొందిన ఈ చిత్రంలో తులసి శివమణి, బెనర్జీ, శివ నారాయణ, అగు స్టాన్లీ చిడోజీ కీలక పాత్రలు పోషించారు. దేవి శ్రీ ప్రసాద్ సంగీతం అందించిన ఈ చిత్రం పరిమిత బడ్జెట్‌తో రూపొందినా, ఇప్పుడు జాతీయ స్థాయిలో ప్రేక్షకుల ప్రశంసలు అందుకుంటూ ఓటిటిలో విజయవంతంగా దూసుకెళ్తోంది.